El pasáu miércoles entamaron allugar per Xixón les señalizaciones del II Festival Arcu Atlánticu, feches n’estructures auto-portantes d’aceru corten de 2,5m x 2,5m. Nes semeyes pue vese l’asitiada na plaza peatonal que fai encruz de Rufo García Rendueles con Ezcurdia, frente a los conocíos establecimientos hosteleros México Lindo y Biarritz.
Esta señalización indica’l puntu cultural onde’l sábadu 27 de xunetu, alrodiu les 18:30 hores, va facese una llectura colectiva de La vuelta al mundu n’ochenta díes, tres de la llegada en pasacais de participantes nes xornaes lliteraries del festival xunto cola Banda Gaites de Castrillón.
Advertisements