17-DENIS RAFTER

L’actor , director y ensayista Denis Rafter participará en varies actividaes del Festival Arcu Atlánticu, el viniente xueves 31 de xunetu.

Pela mañana, nel Centru de Cultura Antiguu Institutu, de 10 a 13 hores, dará una clase maxitral a la que podrán inscribise gratuitamente los interesaos nel corréu electrónicu   promociondelasartes@gijon.es , a partir del 11 de xunetu.

Pela tarde, tará dende les 20,30 hores nun alcuentru na Carpa Arcu Lliterariu, allugada nel Puertu Deportivu, onde compartirá la so esperiencia’bout l’oficiu, creatividá y formación del actor, y dempués participará nuna tertulia’bout’l teatru en compaña d’otros profesionales de les artes escéniques, nesti casu los asturianos Andrés Presumido, Boni Ortiz y José Antonio Lobato.

Denis Rafter formóse como actor nel Abbey Theatre de Dublín, (Teatru Nacional d’Irlanda). Llicenciáu como Profesor de Voz y Drama nel Guildhall, Escuela de Música y Drama de Llondres y Doctor en Filosofía y Lletres de la Universidá d’Alcalá d’Henares (Madrí).

Como director n’España venceyóse al teatru clásicu universal y les sos recreaciones, siendo representativos los montaxes fechos cola Compañía Nacional de Teatro Clásico, como son: No hay burlas con el amor, de Calderón de la Barca, y el Premiu Cervantes Miguel Will, de José Carlos Somoza.

Intervino en diversos festivales de tol mundu, destacando n’España los de Mérida (Sueño de una noche de Verano, de Shakespeare, que foi representada en 1993 y, con una nueva versión, en 1998), Almagro (onde  dirixó en varies ocasiones, siendo’l montaxe últimu Noche de Reyes, de Shakespeare) y Ciudad Rodrigo (Despertando a Esopo, de creación propia).

Datos de Denis Rafter na web de l’Asociación de Directores de Escena de España

Advertisements