31-CONTRA'L SILENCIU
Portada de “Contra’l silenciu”

El sábadu 2 d’agostu a les 20:30 hores, na carpa Arcu Lliterariu del Puertu Deportivu, fadráse la presentación del llibru Contra’l silenciu, de Berto García, y editáu por Suburbia Ediciones.

Con esta obra, cuya esbilla y compilación débense al tamién poeta Berto García, asoléyase un completu panorama de tola poesía espublizada en llingua asturiana dende los tiempos del Surdimientu’til anguaño. Nella apaecen tolos poetes en llingua asturiana xunto cola mención a toles sos obres espublizaes y de cada ún d’ellos Berto García seleccionó un poema.

Na presentación fadrán una llectura poética, amás del propiu Berto García,  los escritores Xuan Xosé Sánchez Vicente, Esther Prieto, Miguel Rojo, Marisa López Diz, Chema Vega, Marta Mori y Armando Vega.

Advertisements