Nel Arcu Lliterariu 2015 allugaráse un estrenu venceyáu de mou bien importante a la lliteratura gallega. Trátase del filme A Esmorga, que va proyectase na selmana última de xunetu, nuna xornada onde tamién habrá un alcuentru col so director, Ignacio Vilar.

A Esmorga’tis un llargumetraxe n’Alta Definición, de 111 minutos, basáu na novela d’Eduardo Blanco Amor d’igual títulu. Tien como actores principales a Miguel de Lira, Karra Elejalde y Antonio Durán ‘Morris’, nos papeles de Cibrán, O Bocas y Milhomes respectivamente. Rodóse en 2014, dende’l 20 de xineru’til’l 27 de marzu, n’estremaos llugares de Galicia; ciudá d’Ourense, O Carballiño, Ribadavia, Boborás, Monforte de Lemos, O Saviñao, Ferreira de Pantón y nel conceyu de Touro.

A Esmorga’tis la crónica tensa ya intensa de veinticuatro hores na vida de tres homes, compañeros de folixa que, dexando un regueru de destrucción, de sexu enquívocu y reprimíu, van zarrando puertes tres d’ellos y tirando les llaves, como pa nun naguar por volver y como si s’enfotaren en dir camín de la so perdición. Estrenóse’l 15 de payares nel Festival de Cine Internacional d’Ourense y el 21 del mesmu mes en bien de poblaciones de toa Galicia, pa entamar a estrenase na primavera de 2015 n’otros cines per España.

Ignacio Vilar e Carlos Asorey fueron nominaos  na categoría de meyor guión adaptáu mientres la XXIX edición de los Premios Goya por esta película, que tuvo nos Premios Mestre Mateo del añu pasáu 16 nominaciones en 13 categoríes, llogrando 6 premios, que fueron p’Antonio Durán ‘Morris’ (Meyor Actor), Ángel Amaro (Meyor Dirección Artístico), Zeltia Montes (Meyor Musica Orixinal), Diego Romero Suárez Llanos (Meyor Fotografía), Susana Veira (Meyor Maquillaxe y Peluquería) y Mar Fraga (Meyor Diseñu de Vestuariu).

La proyección d’A Esmorga faise’l miércoles 29 de xunetu, a partir de les 19 hores, nel CMI de Pumarín Xixón-Sur “José Gonzalo Fernández Mieres“.

Galería de la película:

Más información:

Web A ESMORGA

Facebook / Twitter / Instagram / Flickr / YouTube

Advertisements