cronicadelalluzylasolombra

La novela  Crónica de la lluz y la solombra fue la escoyida pol xuráu del Premiu Xosefa Xovellanos como la ganadora de la XXXV edición. Ye obra del poeta, narrador, críticu lliterariu y editor Antón García, que yá consiguiere esti galardón n’otres dos ocasiones. Crónica de la lluz y la solombra afonda nes pasiones humanes y atrapa deseguida al llector con una prosa áxil. Va presentase’l vienres 31 de xunetu, a les 19 hores, na Carpa Arcu Lliterariu (Puertu Deportivu).

SINOPSIS: A les ocho la mañana del martes 27 de xunu, na plaza Las Campas de Tinéu, Mayoral, el famosu verdugu de Burgos, axusta’l corbatín del garrote vial al pescuezu de Gancedo. Dos años antes, na braña de La Zorera, Gancedo creyía tener realizo un crime perfechu al asesinar a la so muyer y al so fíu acabante nacer.

Antón García (Tuña, Tinéu, 1960)’tis poeta, narrador y traductor, amás d’estudiosu de la lliteratura asturiana. Na so obra destaquen los títulos de narrativa El viaxe (1988) y Díes de muncho (1998), colos que yá ganó′l Premiu Xosefa Xovellanos nes ediciones sétima y decimoctava. Tamién se fizo col Premiu Teodoro Cuesta de Poesía (1995) y otros como’l de la Crítica o’l Fernández Lema. La so poesía completa apareció reunida nel volumen La mirada aliella (2007). L’autor, que tamién’tis fundador de les editoriales Tsibros de Frou y Ediciones Trabe, dirixe anguaño la revista asturiana de cultura Campo de los Patos y la editorial Saltadera cola que de recién publicaba Les manes enceses Antoloxía (1948-2001) na que traduz al poeta portugués Eugénio de Andrade.

ENLLAZ AL EMPIEZU DE «CRÓNICA DE LA LLUZ Y LA SOLOMBRA»

COMENTARIU DE MARTA LÓPEZ SOBRE LA NOVELA

 

Advertisements