Dientro la programación de la estaya lliteraria del Festival Arcu Atlánticu va facese la entrega de los Premios Timón 2016. Esti actu allugaráse na carpa del Escenariu Atlánticu, n’El Muelle (Puertu Deportivu de Xixón).

El 22 d’avientu pasáu un xuráu formáu por Carlos Espina Alonso, Humberto Gonzali, Illán Gonzali, Xicu Monteserín y María Xosé Rodríguez, y actuando de secretaria María Teresa González Cobos, alcordara otorgar les trés modalidaes de los Premios.

Asina, el X Premiu Timón llógraralu l’autora valdesana Esther García López; el VII Premio Timón yera pa la escritora xixonesa Pilar Sánchez Vicente; y el IV Premiu Timón de Cultura Asturiana recayía nel filólogu Ramón d’Andrés. Los gallardones correspondientes consisten nuna obra del escultor y ceramista xixonés Jesús Castañón pa cada modalidá.

Los ganadores anteriores fueron; del Premiu Timón, Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013), Xosé Bolado (2014) y Esther Prieto (2015); del Premio Timón, Luis Fernández Roces (2010), Juan Méjica (2011), Fernando Menéndez (2012), Gonzalo Suárez (2013), Carmen Ruiz-Tilve (2014) y Francisco García Pérez (2015); y del Premiu Timón de Cultura Asturiana l’Asociación Cultural Ensame Sidreru (2013), la Xunta pola Defensa de la Llingua Asturiana (2014) y l’Asociación pola Recuperación de Sidros y Comedies “El Cencerru” (2015).

Advertisements